Aizawl: BJP Mizoram Pradesh chuan Mizoram MLA Dr BD Chakma in Covid-19 a positive chungchangah a awmna hmun atanga sawn chhuah a dilna Health Minister zahawm tak Dr R Lalthangliana'n a ngaih pawimawh sak a, MLA Hostel lama an sawn avangin lawmawm an tih thu an sawi.

Nimina thuchhuah an siamah BJP chuan Dr BD Chakma in ZMC atanga chhuah a dil chhan hi a awmpui in Covid 19 Symptom a nei deuha a hriat bakah, mipa leh hmeichhia room khata awm dun chu thil mawi nia a hriatloh vang leh amah in engmah harsatna a taksa lama a neih loh vang niin an sawi a. Covid-19 hripui leng vang a hnathawk tu Health Department a thawk zawng zawng te leh VLTF/LLTF te chungah lawmthu an sawi a. BD Chakma chuan ZMC a doctor leh nurse te, amah leh damlo dang enkawltute zawng zawng chungah lawmthu a sawi tih sawiin BJP chuan media leh thil dang hmanga thu diklo thehdarh a ni chu pawi an ti tak zet tih an sawi.

BJP chuan Covid vanga Mizoram in harsatna a tawh laia Chief Minister in hripui leng aia Mau chi a buaipui chu mak an tih thu sawiin hun khirh leh harsa kan tawh mek lai hian Mizoram mipuite tan a pa nih tling Chief Minister kan mamawh hle a ni tih chu BJP Mizoram Pradesh ngaihdan a ni, an ti bawk.