Assam Rifles, Custom Department, Champhai leh Land Custom Station, Zokhawthar tangrual chuan Zirtawpni khan Champhai district-a hmun hnihah poppy chi (seed) bag 48 kuhva rah bag 100 an man.

Assam Rifles, Serchhip Battalion hnuaia Champhai leh Zokhawthara Company Operating Base (COB) leh Champhaia Custom Department leh Zokhawthara Land Custom Station tangho hian an thudawn bawhzuia che chhuakin heng dan lova thil phurhte hi an man a ni.

New Champhaiah Rs. Nuai 5.4 man poppy seed manin Melbukah kuhva rah bag 100 leh poppy seed bag 18, a vaiin Rs Nuai 52.24 an man bawk a ni.   

Heng thil an mante hi Custom Department, Champhai leh Land Custom Station, Zokhawthar hnenah hlan nghal a ni.