Aizawl: Nilaini kaltaa chin hriat loha bo Tv. Rohmingthanga@Rotea (32) s/o PC Vanmawia, Champhai Rahsi veng ruang chu nimin khan a bona atanga km 1 vela hla ah a ruang hmuh a ni. He chanchin buatsaih lai hian a ruang hi Tualpui atangin Khawzawl damdawi in ah post mortem turin panpui mek a ni.
Thudawn danin Rotea te hi Tualpui khaw dai Saihum kawn quarry-a inhlawhfa chu Nilaini tlai atang khan chin hriat lohvin a bo va, Tualpui khawtlang leh khaw thenawma mi tlawmngaiten an zawng a. Nimin khan a ruang hi hmuh a ni.
Champhai North bialtu MLA Dr. ZR Thiamsanga chuan Zirtawpni khan mi bo zawngtute hi tlawhin an ei leh in tur mamawh zualpui phuhruk nan buhfai bag hnih, dailuah bag khat, silpauline pathum leh Rs. 5000 a pe.