ZALEN June 10, 2025 : Champhai Police ten nimin khan Champhai Police Checkgate, Chalbawia Junction, Khankawnah lirthei pahnih atangin darkar 12 chhungin methamphetamine leh herion cheng 17092000 man hu an man. 

Thulakna maipawl.org in a tarlan danin Methampatamine hi Car pakhat Aizawl pan tur an endik atanga man niin lirthei hnuaia ruihhlo phurhna tura siam chawpah dah niin Methamphetamine fun 10, Kg 11 leh gram 8 a rit, mum 101000 an man a. Cheng 15340000 hu a ni. Ruihhlo neitua puh, lirthei khalhtu Malsawmsanga, Zokhawthara cheng nia inchhal chu an man tel. 

Nimin vek khan Champhai Police te hian Khankawn checkgate-ah Aizawl pan tur mimal lirthei kawngkhar leh Woofer-a thuhruk herion hawng 53, gram 584 a rit, Cheng 1752000 hu an man bawk a. A neitua puh leh lirthei khalhtu Lalchamliana, Zokhawthara cheng nia inchhal chu an man tel bawk a ni.

Ruihhlo neitua puh mi pahnihte hi ND&PS Act hmanga thubuai siamsak a ni.