Aizawl June 10, 2023 : Vawiin han Venghnuai Branch YMA chuan YMA Day vawi 88na pual leh LBS Suzuki Inter-Branch YMA Football Tournament Champion lawm nan Rokunga Hall-ah thisen pek runpui an hmang a, thisen hi ZMC, Falkawn Blood Bank thawktuten an rawn laksak a ni.

Thisen unit 62 pek niin mipa 48 leh hmeichhia 14 in an pe a ni.

Zirtawp zan khanLBS Suzuki Inter-Branch YMA Football Tournament fina-ah ah Venghnuai Branch YMA te hian Tlangnuam Branch YMA 1-0 a hnehin an champion a, he an champion lawm nan leh YMA Day vawi 88na pual hian thisen hi an pe a ni.

Venghnuai Branch YMA hi September 19, 1946 a din niin kumin hi an Branch kum 77na a ni. Central YMA OB lo ni tawh mi 7 (pasarih) awm tawhin tunah hian YMA member 1504 an awm a ni.