Thisen pe
Nimin khan Chaltlang branch KTP ten Civil hospital Aizawl tan thisen unit 35 an pe a, College veng branch KTP chuan an branch rising day vawi 41 na pualin Synod hospital tan unit 33 an pe bawk. Nimin vek khan Thentlang Br. YMA chuan Serchhip Blood Bank tan unit 50 an pe a, Zobawk Pastor bial TKP in Lunglei civil hospital ah unit 17 an pe bawk.

PHC hawng
Health Minister Dr. R Lalthangliana chuan nimin khan Rs. nuai 108. 97 senga sak Thingsai Primary Health Centre (PHC) a hawng. Thingsai PHC hi RCC Building a sak niin a zau zawng Plinth Area 469.53 Square Metre a ni a, Male ward (3 beds) leh female ward (3 beds) bakah XRay Room, Dark Room, Laboratory Room, Dispensary, Consultation room, waiting area, office, Delivery room, sterile room, kitchen, Nurse station, Minor OT, Dry Zone, leh inthiarna toilet panga leh Bathroom pahnih a awm a ni.

Tuitla
H. Lalzamlova h/o Rebecca Lalrinzuali (Vanchengpui RMSA Sec. School zirtirtu) chu Zirtawp zan dar 8 vel khan Tuichang luiah a chesual a, mi tlawmngai ten zawngin nimin zing dar 6 vel khan hmuh a ni.

Accident-ah boral
Zirtawpni (October 18, 2019) zan dar 9:30 vel khan R. Lalmuanawmi (47) w/o C. Lalnunpuia chu motor lian nen insutna lamah motor hian chilzuiin ka pawh chhawn lovin a boral. R. Lalmuanawmi leh a pasal C. Lalnunpuia bike-a inphurin truck hel an tumna lamah hian tawh sual hi an tawk a, bike hnunga chuang Mamuani hi bike atangin a tla a, a chil zui ta a ni. Pu C.Lalnunpuia hi Vairengte HSS-a principal nilai niin a nupui hi nurse a ni a, Vairengte PHC a thawk lai a ni. Truck khalhtu hi a tlanbo a, he chanchin ziahlai hian zawn mek a ni a, truck hi Vairengte Police Station ah kawl a ni.

Lehkhabu pe
Rev. Dr. Zaichhawna Hlawndo chuan a lehkhabu ziah 'Tu dang kan ni lo Zofate kan ni' tih lehkhabu chu MJA Public Library tan bu khat a pe.