Bike chesual thi
V.Lalengzama (27) s/o V.Lalduhkima Armed veng South chu Zirtawp zan dar 12 vel khan lirthei chesual vangin a boral. Zalen palaiin Police hotute hnen atanga thu a dawn danin V.Laleng-zama hian Dawrpui veng, Mosolman biakin bula lirthei dang (Eco van) lehpelh a tum chu a chesual a, Civil hospital panpui a niin a hliam tuar lovin a boral. Eco van khalhtu hi thu ziahfiah turin Police ten an ko.

Session
November ni 19-21,2019 inkar chhunga Assembly session neih turah Zirtawpni thleng khan zawhna starred question 207 leh ziaka chhan chi zawhna 22 a lut tawh a, paper lay tur 2 lutin bill lut a la awm lo.

Thisen pe
Nimin khan Damveng Branch KTP ten an branch Ruby jubilee pualin Synod hospital blod bank a dah turin thisen unit 36 an pe, thisen petu te hi mipa 30 leh hmeichhia 6 an ni.

Kawnpui-ah Inter Branch YMA football tournament
Pu Zorammawia, IPS (Retd)-in a nu leh a pa hriatrenga atana buatsaih Vanlalchhunga & Sangluri Memorial Inter Branch YMA (Awithangpa Group) Football Tournament 2019, Nov 5-9 chhunga neih chu Nov 9, 2019 khan khar a ni.