ZALEN August 23, 2024 : Nizan khan C. Kawlthangvula, Aizawl Venglai huan Changsil Kai, Sairang-a mi enkawltu Jharkhand lam mi Tlangvaltea chu thah a ni a, Sairang Police Station-ah FIR thehluh a ni a, a thattu rinhlelh mi pahnih an nei a, mahse, he thu buatsaih lai thleng hian man an la ni lo.

Zalên thudawn danin Thattua an rinhlelh te hi pafa an ni a, huan thlamah pawh hian an riak ve fo niin hriat a ni a, ni dangah pawh an lo intithiamlo fo tawh niin an sawi a, Nimin lam hian Kel te pawh an lo talh sak a, thlam chhungah kel pumpui te pawh a lo la awm a ni. Nizan zanrei tawh lamah kawngpui dunga an motor chan lai hmutu an awm a, zawn mek an ni. Thlam neitu leh Police, Forensic lam ten a hmunah hian an kalchilh a ni.

Tlangvaltea hi a Identity card a neih loh avangin a kum zat chiah hi hriat a ni lo a, kum 50 chu a chuan a rin tawh thu huan neitu chuan a sawi a, Mizoram-ah hian kum 30 chuang a awm tawh a, a chhungkhat laina hriat an nei lo a, a hming tak pawh an hre lo.