ZALEN February 16, 2025 : State Bank of India Managing Director Vinay M Tonse chuan Chief Minister Lalduhoma hmuin Chapchar Kut hmanna atan Rs. 5,00,000/- a hlan.

Chief Minister hian Mizoramah SBI in hna tha taka an thawh thin avangin lawmthu a lo hrilh a. LP Lalchangkima, DGM, SBI, Mizoram sawrkarin a mamawh vanga deputation tura an dilna an tihhlawhtlinsak avangin lawmthu a lo sawi bawk.

CM leh SBI hotu hian SBI clerical cadre a Mizo thalai tam zawk an luh theih nana Special Recruitment neih theih dan tur te, Mizoram sawrkarin infiammite tana Empowering Mizoram Sports a kalpui meka SBI Foundation nena thawhho dan tur te, bank ten income tax returns certificate an lo phut thin vanga income tax pe ve lo Mizo mipuiten harsatna kan tawh thin chin fel dan tur te an sawi dun a.

SBI leh bank thenkhatten CD ratio tha taka an kalpui laia, bank thenkhatten an tih that tawk loh thute pawh an sawi a ni.

Vinay M Tonse hian Mizoram hmasawn nan SBI-in theihtawp an chhuah zel tur thu a sawi a. Chapchar Kut hlim taka Mizoram mipui te'n an hman theih nan duhsakna a hlan bawk.