Aizawl-ah chuan March ni 5, 2021 chawhma lamin Chief Minister Zoramthanga’n Vanapa Hall-ah a hawng ang a, Covid inkaihhruaina SOP zawm chung a hman tum niin, Virtual-in programme siam sa, Local cable TV leh YouTube-ah te chhuah chhunzawm a ni ang.

Art & Culture Director R. Hmingthanzuala’n ZALEN a hrilh danin, Aizawl a hmanna tur cheng nuai 20 bawr vel ruahman a nih bak hmun dang tan sum dah a awm lo a, hetihrual hian sum an neih chuan district dang ah pawh Chapchar Kut hi hman theih tho a ni.

Kum 2020 Chapchar Kut hmanna a tan sorkar chuan Aizawl tan cheng nuai 65 ruahmanin, district dang tan cheng nuai 32 a lo ruahman tawh.