American singer Charlie Puth chuan BTS te a thawhpui dawn niin khawthlang media te chuan an tarlang tlat mai. South Korean boy band te hi khawthlang zaithiam ten thawhpui an intihmuh emaw tih mai tur a ni a, American rapper Snoop Dogg pawhin a lo thawhpui tawh - tun tumah chuan Charlie Puth-a'n thawm a rawn nei ve leh ta thung a ni. 

Wiz Khalifa nena 'See You Again' an sak dun hnua rawn lar ta hluai kum 30 mi Charlie Puth hian BTS thawhpui chungchang hi  tun hnai khan iHeart Radio Wango Tango concert-ah a sawi chhuak. "Thawm chu a awm ngei a lawm, a hun leh ni tur erawh kan la sawi chiang ang chu," tiin a sawi a, inbiakna an nei ngei tih a chiang. Hemi chungchang hi BTS lam pawhin an la puang chiang lo a, thawhdun chungchang thawm awm chu an pha lo bawk. 

BTS hian Coldplay thawhpuiin 'My Universe' an lo tichhuak tawh a, tun tumah chuan an hmelhriat sa Charlie Puth lam an awm ve dawn ta niin a lang. Charlie Puth hian a hla hit 'We Don't Talk Anymore' chu BTS member Jungkook a lo performpui tawh a ni - thawhdun zai an rel nia thuthang pawh hi a awm lo hran lo e. Charlie Puth, RM, Jin, Suga, J-Hope, Jimin, V leh Jungkook ten hla an tichhuak thei a nih ngat chuan a hit khawp ang le - thuchiang hriat tur a la awm lo a, an hla tihchhuah tur leh, a hun tur pawh la ngaihchan ngai a ni thung. 

Hetih lai hian Snoop Dogg hian K-Pop lam thawhpui a chiang riau a, BTS bakah hian - Psy, Girls Generation leh 2NE1 te pawh a lo thawhpui tawh a ni.