ZALEN June 16, 2024 : Mizoram Children's Talent Show chu a tum hnih nan Apex Bank Mizoram Children's Talent Show tihin buatsaih a ni leh dawn a, he Talent Show ah hian kum 14 hnuailam tan tel theih a ni a, lawmman pakhatna hi cheng nuai khat a ni ang.

Mizoram Cooperative Apex Bank leh Women & Child Development te chu main sponsor an ni a, a show hming tan erawh Apex Bank Mizoram Children Talent Show tih a ni dawn a ni. Pahnihna hian cheng sing nga an dawng ang a, pathumna-in sing hnih an dawng ang. Top 10 chinte pawh thil pek tha tak tak pek an ni dawn a ni.

Selection Round hi Video a thehluh tur a ni a, June 25, 2025 thleng video thehluh theih a ni a ang. Offline-in Kristie Avon, Zarkawt-ah thehluh leh registration tih theih a ni a, Online-a thehlut duh tan 9774954015 leh 9612630638-ah te thehluh theih niin, registration pawh hetah hian tih nghal theih a ni. 

Show hi school kal ti buai lo tur leh exam tibuai lo tura ruahmanna siam a ni a, July 1, 2025 atangin show hi neih tan tur a ni. He show hi LPS 10 ah leh Melham Reality YT Channel-ah pekchhuah a ni ang.