ZALEN November 29, 2024 : Vawin chawhnu khan Bethani Multipurpose Farm, Phunchawng-ah Excise & Narcotics Department chuan thla 3 chhunga ruihhlo an man, Court-in halral theih a tihte halral a ni.

Ruihhlo halral inkhawm hi Peter Zohmingthanga, Joint Commissioner of Excise & Narcotics, Drug Disposal Committee Chairman ni bawk chuan a kaihruai a. Z. Lalhmangaiha, Commissioner of Excise & Narcotics chuan Chief Guest niin heng ruihhlote hi a halral a ni.

Drug Disposal Committee, Excise & Narcotics Department Decretary Ngurthanzama, Secretary chuan report a pe a, hengte hi vawiina ruihhlo halralte chu an ni:

1 Heroin - Kg 23.777

2 Ganja - Kg 52.265

3 Methamphetamine - Kg 15.795

4 Crystal Meth - Kg 734.780

5 Alprazolam - Gram 175.135

6 Nitrazepam - Gram 444.780

7 Codein based cough syrup - Kg 25.700

Heng ruihhlo halralte hi tualchhung rate-ah Cheng 11,52,03,080 (Vaibelchhe Sawm pakhat, Nuai Sawmnga pahnih, Sang thum leh sawmriat) man hu nia chhut a ni.