ZALEN October 24, 2024 : Tunlai hian Cherhlun khua ten fur zikhlum (Off season Cabbage) chu Cherhlun ram Zo-Zauah an seng mek a, a hralh ralna Rate chungchangah harsatna an tawh fo avangin a hmunah Horticulture dept Additional Director Lalhhmingmawia Pachuau leh Officer ten Zikhlum sengpui pah in an tlawh, kharchhawng te nen inremna an neih theih phah.

Tlangrama Organic system-a an zikhlum chin hi kharchhawng te nen han in rem hleihtheihloh ni te an nei zauh thin. Horticulture dept hotuten Rs 40/- in lungawina anga an lak dawn loh chuan Supply chain-in dept in an buaipui mai ang an tih hnuah kharchhawng te nen Kg-ah 40/- in an in rem thei a, Farmer te an lawm hle. Cherhlun in an zikhlum buaipui hi Hnahthial Horticulture dept ten a chi an pek niin Ryzoki variety a ni.

Cherhlun khua hian kum 2019 atang khan fur Zikhlum hi an lo buaipui tawh a, kum tina uar chho zelin Kumin 2024 ah chhungkaw 42 in Zo -zau ah an ching a, tun dinhmunah Qtnl 600 vel thar tawhin Qtnl 1000 vel thar tura an in beisei thu Zau Chairman FJ Tumsanga chuan a sawi.

Horticulture Deputy Director Dr. Vanlaldiki a hmun a enpuitu chuan Damdawi hi hman loh tum ngar ngar tur bul 100 ah sawmhnih vel zel hisap te ah rannungin a bei anih loh chuan damdawi lakah hian a him hle tur a ni. Loh theihloh a hman a ngai anih pawhin Mithiam ten dose an chawh ang leh pek hun tur an sawi te zawm hram hram a tha. Cherhlun ten damdawi pakhat mah in hmang lo chu an fakawm hle a ni a ti.