ZALEN March 10, 2025 : Chhandamna Kohhran, Kohhran Hmeichhe Area Inkhawmpui hmun hrang hrang neih chu ni 8 & 9.3.2025 khan hman a ni a. Ni 9.3.2025, Pathianni zan khan a tiak.

Aizawl Area-ah chuan Speaker atan Evan Upa R.Lalmalsawma ruaiin Aizawl East Kohhran, Chhinga Vengah hman a ni a. Kolasib Area-ah chuan Speaker atan Pastor Onesim C. Lalnunzira leh Pastor Jh. B. Lalkhawngaiha te ruaiin Rengtekawn Kohhran-ah hman a ni a. Lunglei Area-ah chuan Speaker atan Upa T. Rozawni ruaiin Zobawk Kohhran-ah hman a ni thung.

Area hrang hrangah ni 8.3.2025, Inrinni khan Rorel inkhawm a awm a. Hmeichhe rawngbawlna tur pawipang hrang hrang an rel a, Area hruaitu thar turte an thlang nghal bawk.

Aizawl Area-ah chuan Kohhran thurin hmanga intihsiakna buatsaih a ni a. Bible chhiarchhuakte hnenah lawmpuina thilpek hlan a ni bawk a ni.

Area Salvation Church Hmeichhe Inkhawmpui hi kum 3 dana neih tur a nih angin kum 2028-ah neih leh a ni ang.