ZALEN July 29, 2025 : Mission Foundation Movement chuan vawiin khan Bawngkawn Veng chhunga khuarel chhiatna avanga chhiat tawk leh chhawmdawl ngai chhungkaw 35 hnenah buhfai, Alu leh Sintex an sem.

Disaster Management & Rehabilitation Dept. changtu Minister Prof. Lalnilawman'n he hun hi a hmanpui a, " MFM kal tlangin mi tam takin hamthatna an hmuh tawh thu sawiin, chhiat kan tawh hian a buai ber chu khawtlang hruaitu te an ni a, local council hruaitute an fakawm hle a ni," a ti.

"Ruah sur nasat vangin Mizoram ah chhiatna nasa tak a thleng a, Dept. lam atangin theihtawp kan chhuah chungin, kan khawtlang hruaitute tanrualna a lang a, Mizo nunzemawi a lo lang thin a, hetiang nikhua a MFM te leh pawl hrang hrang an lo pen chhuak thin hi a ropui hle a ni," a ti bawk.

MFM hian HT Parekh Foundation Mumbai, CSR kaltlang a fund hmuh hmangin he project hi an kalpui a, kar hmasa Zirtawpni khan (25th July) khan Vaivakawn vengchhunga chhungkaw 35 hnenah tanpuina an lo sem tawh bawk a ni.