ZALEN August 19, 2025; Maubawk Veng, Aizawlah hmeichhia kum 80 mi chu vawiin chhun khan rawng taka thah a ni.

ZALEN thudawn danin, vawiin chhun dar 12:30 bawr vel khan Runliani (Luti), 80 W/o Lalsanga (L), Maubawk Kawn veng chu an chenna in chhungah rawng taka thah a ni a, a hrawkah chema zaina hnuhma hmuh a ni.

Vanduaina tawk a boral Runliani te hi dawrkai niin, a fanu leh a tupa nen a khawsa niin, an inhnuaiah a fapa a cheng bawk a, an chenna in piahah huan an nei a, huan a a fanu a kal hlan, vawiin chawhma lam a thil thleng nia ngaih a ni.

He thil thleng hi tlangval pakhat kuhva lei turin a hmu a, a hmuh lai hian Runliani hi chhuatah awmin, puan a khuhin hmuh a ni.

Police leh forensic lam te pawh an thleng nghal a, he thu ziahlai hian thil thlen dan chhuizui mek a ni a, Runliani rawng taka thattu hi he thu ziahlai thleng hi chuan tunge a nih hriat mai theih a la ni lo.

#ZalenNews