Aizawl : Nimin khan Chief Minister Pu Zoramthanga chuan Lengpui Airport a hnathawh mek chu a hmunah a enfiah.

Lengpui Airport Runway resurfacing hna hi thawh zawh thawkhat a ni tawh a, Apron extension, runway sir a tui luan kawr siam mek te, airport hungna security fencing leh Lengpui airport tui lakna tur ruahmanna thar leh terminal chhung siamthat ngai te Chief Minister hian Civil Aviation, PWD leh PHED hotute nen enfiahin ruahmanna an siam.

Tui lak chung- changah tuna ruahmanna awm mek bakah ruahtui khawl theih dan tur ngaihtuah tha a tih thu Chief Minister hian a sawi a. Airport a hna kal mek chu lockdown chhungin a tam thei ang ber thawh zawh tum turin thawktute a chah.

Chief Minister hi Mamit bialtu MLA Er. H. Lalzirliana; Principal Consultant, Civil Aviation ; PHED Engineer-in-Chief ; PWD Chief Engineer leh thawktu dangten an tawiawm a ni.