ZALEN August 1, 2025 : Apex Bank Mizoram Childrens' Talent Show, kum 14 hnuailam tana buatsaih chu August ni 8 & 9, 2025 zan atangin naupang pual hunin khuhhawn a ni dawn a, intihsiakna hi August 12, 2025 atanga neih tan tur a ni ang.

August 12, 13, leh 14-ah hian hian he intihsiaknaa an video thehlut te video thehluh chu LPS 10 leh Melham Reality Youtube channel-ah zan Dar 8:00 ah tihchhuah a ni ang. He talent show-ah hian Lam, Zai, Keyboard, Drum, Guitar Play, Abacus leh Band lama naupang kum 14 hnuailam talent nei tha tak tak ten an thiam thilte an tarlanna video an thehlut a ni.

First round result hi August 15 zanah puan a ni ang a, ti tha 20 thlanchhuah tur a ni. He ta ti tha te hian August 19, 20 & 21-ah te intihsiakna hi neih leh a ni ang a, August 22, 2025-ah top 10 tlingte puan an ni ang.

Top 10 intihsiakna hi August 30, 2025 atangin neih tan a ni ang a, top 10 atang hian mi 5 an tla dawn a, result hi September 5, 2025 zanah puan a ni ang.

Result puan zan hian Top 5 te an inel leh ang a, heng mi panga te hi zan hnih chhung an inel dawn a, a zan hnihna hi September 19, 2025-ah neih a ni ang a, hei hi Grand Finale a ni dawn a, hemi zan hian result puan nghal a ni ang.

Apex Bank Mizoram Childrens Talent Show-ah hian Lawmman pakhatna hian Cheng 1,00,000 an dawng ang a, Pahnihna hian 50,000 an dawng ang a, Pathumna hian 20,000 an dawng ang a, lawmman bakah hian thil pek chi hrang hrang an dawng ang. Top 10 a tling chin te hian Citation leh gift chi hrang hrang an dawng bawk ang.

He intihsiakna neih a nih theihna atan hian Apex Bank leh Women and Child Development Department, Govt. of Mizoram te chu main sponsor an ni a, National Health Mission chu sponsor ni bawkin Thilpek pe tur engemaw zat an awm bawk. LPS Vision leh Radio Big FM bakah Youtube-ah Bawihtlung Collection, Khawlbawm leh Zovi Youtube channel te chu an media partner te an ni.