ZALEN September 14, 2023 : Nimin khan MZP General Headquarters leh Chin Baptist Church USA Women Department tangkawp chuan, Manipur tualchhung buaina avanga vanduaina tawk Zofa hmeichhiate thlahualna leh ralna pawisa an hlan. 

Chin Baptist Church USA Women Department Indianapolis chuan, Manipur tualchhung buaina avanga pawngsual leh sawisak tawkte thlahualna tur leh ram leh hnam tana nunna chan hmeichhia te ralna atan MZP General Headquarters kutah cheng nuai khat an hlan. MZP General Headquarters chuan cheng 25,000/- a thawh belh a, Hmar Students' Association (HSA) Joint Headquarters Tuithaphai, Manipur te chuan thlahualna leh ralna pawisa hi an sem chhuak a ni.  

Pawisa semchhuahna hun hi HSA Meeting Hall, HSA Campus Rengkai-ah neih a ni a. Khawvel pum huapa hriat hlawh Zofa hmeichhia an zahawmna tihbawrhbansak pathuamte Rs. 10,000/- theuh thlahual nan pek niin, ram tana nunna hlan hmeichhia mi 18 chhungte hnenah Rs. 5,000/- theuh ralna pawisa hlan a ni bawk. 
MZP General Headquarters leh CBCUSA chuan thawhhona tha tak a nei thin a, raltlan tanpuina kawngah hma a la ho thin a ni.