ZALEN July 31, 2025; Vawiin (31.7.25) hi Mizoram Cooperative Apex Bank din champha phak vawi 44-na a ni a, hemi ni pual hian Aizawlah chuan chuan man awm loin City bus 20 an service tir dawn.

Vawiin July 31-ah hian Aizawl khawchhunga City bus 20-ah te chuan man a awm dawn lo a, heng City bus service man hi Apex Bank hian a tum dawn a ni. Ngaizel leh Zemabawk inkarah hian a thlawna chuan theihna bus 16 a tlan dawn a, Sihphir leh Ramrikawn service-ah pahnih ve ve a thlawnin an tlan dawn bawk a ni. 

Apex Bank hian district hrang hrangah pawh Branch manager leh staff-te hmalaknain mipui te'n a thlawna an hman turin 2 wheeler leh Auto Rickshaw te service tir an tum bawk.

#ZalenNews