June 13, 2023; Mizoram State Chief Information Commissioner (CIC) Lalnunmawia Chuaungo chuan Mizoram Larsap hnen ah CIC atanga banna a thehlut.

ZALEN zawhna chhangin, Lalnunmawia Chuaungo hian nimin, June ni 12 tlai khan Larsap hnenah CIC a nihna atangin banna a thehlut a, tun thla ni 19 thleng office a la kal zui dawn niin a sawi.

Mizoram chief secretary hlui Lalnunmawia Chuaungo hian congress party zawmin, a chenna bial, Aizawl North I ah a ding dawn niin social media leh party mite titi ah chuan sawi a lo ni tawh a, hemi chungchang erawh a banna a fel hma chu sawi theih ala neih loh thu ZALEN a hrilh.

Lalnunmawia Chuaungo hian kum 2021 a CS atanga voluntary pension a a chhuah hnuah, hemi kum vek November ni 21 khan Mizoram State Chief Information Commissioner hna a zawm tan a, kum 2 chhung he hna hi chelh hmanin nimin khan banna a thehlut ta a ni.