May 25, 2023; Dawr thahnem tak awm theihna tur a duan, Aizawl City Centre chu sak tan mek niin, Aizawl City Annexe sak hna pawh thui tak kalpui tawh a ni. Nakin a kan felfaina tur leh kan thatpui tur a ni a, bazar nunphung erawh a ti khaihlak rih viau. 

New Market-ah hian building pahnih - ‘City Centre’ UD&PA(Smart City) hnuaiah leh Commerce & Industries sak City Centre Annexe te sak mek a ni a. City Centre Project cheng 41.59 crores man niin, he hmunah hian dawr 1105 a awm thei dawn a, Four wheeler 31 leh Two wheeler - 79 dah theih tura ruahman a ni. Cold storage, CCTV, Service life leh Office te ruahman a ni.

City Centre Annexe-ah hian dawr 135 a awm ang a, Hawkers 180 - 189 thu thei tura ruahman a ni. Two wheeler 185 leh Four wheeler 48 a park theih bawk ang. Project hi cheng nuai 3641.59 ruahman a ni.