September 14, 2023; September ni 4 atanga tan, Synod Camping Centre, Neihbawih-a neih mek 'Chhanchhuahna Camping' ah Detox period hman a nih hnuin, vawiin atangin team ten hun an hmang tan.

'Chhanchhuahna Camping' hi September ni 23, 2023 thleng neih tur a ni a, Tual Upa Jerry Laltanpuia, 'Krista Remna Palai Team' chu camp speaker a ni.

Camping neih tan atanga ni 10 chhung chu detox hun atan hmang phawt a ni a, vawiin September ni 14 atangin team te'n hun an hmang tan a ni.

Tarlan tawh angin, Central KTP chuan campers 150 hisap in budget an siam a, hetihlai hian campers 500 an chuang an awm a, mutna hmun chang lo tan puanin te kaih niin, inchhung changlo mi tam tak Biak In pawnah an mu bawk.

Campers te hi mipa 460 bawr vel leh hmeichhia 40 vel an ni. Detox Period kalpui a nih laiin, Thawhtanni atang khan Clinical Psychologist ten Campers-te an buaipui a ni.