Aizawl: Chief Minister Zoramthanga hmalaknain Regional Institute of Medical Sciences (RIMS), Manipura Post Graduate course-a Mizoram quota kan neih 7 chu a vaiin hnawh khah a ni thei dawn. Mizoram sawrkarin tun dinhmunah RIMS-ah hian PG course zir tur candidate 7 a sponsor thei a. NEET-PG paltlanga admission tifel tawh mi palite bakah a dang seat awl pathum la awm chu hnawhkhah ngei a nih theih nan Chief Minister Zoramthanga chuan RIMS Director Prof. A. Santa Singh chu tunlai boruaka Medical line lama mi thiam bikte kan mamawhna a zual zel avangin lehkha thawn mai bakah telephone hmangin a bia a. CM dilna leh Mizoram dinhmun te an zirchian hnuin RIMS lam thuneitute atangin admission pawh tifel thuai turin ruahmanna siam fel a nih thu dawn a ni.