June 20; 2022; Vawiin khan congress thalai (MPYCC) chuan health care bill chungchang tifel a, thudik puangchhuak tura phutna lehkha chief minister pek an tum a, police ten CM office gate a an lo dan avangin engemawchen police leh congress thalai te hi an innawr buai.

Congress thalai te hian CM lehkha pek an tum hi amah ngei pek an duh thu an sawi laiin, police hotu te leh CM office lam chuan a secretary pe mai turin an ngen a. Hei hi congress thalai lam chuan an duh loh avangin police te nen hian engemawchen an in nawr buai a. Hemi hnu hian congress thalai hruaitu leh congress party hotu thenkhat te CM office ah luh tir an ni a. CM hian inleng a neih thu leh hmuh a rem loh thu CM secretray K. Lalthawmmawia'n a lo hrilh hnuah, congress thalai president Dr. Lalmalsawma Nghaka chuan CM secretray hi CM lehkha pek an tum hi a pe a. CM hmu tur in appointment siam nghal a, hmai chhana CM chu hmuh leh ngei an tum thu a sawi.

MPYCC president chuan CM in congress thalai a hmu ngam lo chu mak a tih thu sawiin, congress thalai chu buaina siam tura kal an nih loh thu leh mipui thlavang hauh duh na avang chauh a pen chhuak an nih thu a sawi a. Mipui thlavang hauh tur hian tun lo pawh hi an la pen chhuak dawn chauh tih sawiin, CM dawt sawi nasa lutuk mipui ten ngaia kan nei ti tih hi lungchhiatthlak a tih thu a sawi bawk.

MPYCC in July ni 20, 2022 hma ngeia sawifiah leh tihhlawhtlin an ngiatte:

1. Health Care sum tlingkhawm leh a pung zawng zawng zat belhkhawm mipui hmaa puan zar.
2. Damlo bill ba zawng zawng release.
3. Chhung tina damlo apiang tana cheng nuai 2 tleng hman theih tura SEDP-a sum dah vek tawh kha khawiah nge a awm a, engzatnge dah anih mipui hriata puan zar.
4. An sawrkar hmasak anga health care sum mimal hlawkpui tura bank-a an dah leh dah loh sawi chian.
5. Congress sawrkar hmasa sum lo dah vaibelchhe 122.39 chuang sawi hnawm a, cheng khat mah dah lo anga CM in a sawi kher nachhan.