Helicopter Service : MIZORAM

Thla 1 senso cheng nuai 67 a tling a, thlawhchhuah tam/tlem dan a zirin senso a danglam.

Ministry of Home Affairs in Mizoram tan thlawhna 1 ah subsidy (75%) a phal.

India ram a Helicopter company te sawrkar laipuiin subsidy a pe thei vek tawh.

Aizawl; Kum 2018 December 15-a MNF sorkar lakluh a nih atanga vawiin thlengin zin veivahna atan Chief Minister Zoramthanga chuan Helicopter a la hmang lo a. Hetihlai hian Mizoram a Helicopter service tur thlanna tender chu March, 2022 ah 
chhuah hman beisei a ni.        

Mizoram sawrkar a Civil Aviation Wing hotute hnen atanga ZALEN thudawn danin, CM Zoramthangan sawrkarna an siam tirh atanga vawiin thlengin Mizoram chhung hmun hrang hranga zin veivahna atan Helicopter a la hmang lo a, sawrkar programme bakah party pawimawh thil ah pawh zin veivahna a tan Helicopter hmang lo in, lirthei a hmang mai thin.

Sawrkar mi pawi-mawh VIP ten Helicopter an hmanin, chuan man chu programme an neihna sawrkar department te tum thin a ni a, tun dinhmun ah Helicopter charter man hi darkar khatah cheng sing 8 a ni.

Mizoram-a ser-vice mek Pawan Hans Helicopter hi a hman man zaa 75 chu sawrkar laipui tum a ni a, Helicopter a chuang te chu cheng nuai 7.5 a insurance tih sak vek an ni. Pawan Hans Helicopter service mek pakhat chu district hrang hrang leh hmun pawimawh zualah a inchhawka service tir mek a ni.

ZALEN thudawn danin, sawrkar laipui-a Ministry of Home Affairs chuan India ram a Helicopter company zawng zawng-ah subsidy a pek theih vek tawh avangin, Mizoram sawrkar pawhin company dang tha zawk service tir dan tur kawng a dap a, hemi chungchangah hian March, 2022 chhungin tender chhuah hman beisei a ni. Tender chhangtu awmdan a zirin, company tha zawk leh chak zawk service a awm theih beisei a ni.

Mizorama Helicopter service hi August 12, 2012 khan Thuampui helipad-ah khatih lai a Chief Minister Lal Thanhawla chuan a hawng a, mi 11 chuan theihna niin, tuipui zawl (sea level) atanga a san dan a zirin passenger awm thei zat erawh a danglam thei thung.