March 4,, 2025; Finance changtu chief minister Lalduhoma chuan vawiin khan Assembly budget session-ah kum 2025-26 Mizoram budget Rs. vbc. 15198.76 (2024-25 budget 14,412.12) a pharh.

Budget pumpui Rs. vbc. 15198.76 zinga Rs. vbc. 11957.04 (82.51%) chu sawrkar hnathawk hlawh, sawrkar inrelbawlna, pension hlawh (revenue expenditure) a ni a, Rs. vbc. 2658.56 (17.49%) chu hmasawnna hna thawhna tur (capital expenditure) a ni.

Sawrkar kum kal mek 2024-25 atana Mizoram budget chu Rs. vbc. 14,412.12 a ni.

Sum hmanna tur langsar zualte :

1. Hamd Holding scheme ah Rs. Vbc. 350 dah a ni a, kum kal meka dah aiin 75% in a sang.

2. Kawng siamna leh thuam ṭhat nan Rs. Vbc. 100

3. Ruang phurhna tur atan Rs. Vbc. 5 dah leh a ni.

4. MLA fund a ngaia kalpui tur a ni.

6. Mizoram State Healthcare Scheme hnuaia bill awm te pek tlak zung zung a nih theih nan allocation kan neih thin Rs. Vbc. 20 chu Vbc. 50 ah tihsan a ni.