ZALEN March 10, 2025; Chief minister Lalduhoma'n, C Ngunlianchunga MLA chu anticipatory bail lalawk turin thu a rawn.

Vawiin assembly session zawhna leh chhanna huna member te zawh belhna chhanga he thu hi sawiin chief minister chuan, thubuai nei zingah C Ngunlianchunga a tel tih a sawi a, chargesheet peih thawkhat a ni tawh a, prosecution sanction dil mek a ni bawk a, chuvangin anticipatory bail lo laklawk te pawh a that a rin thu a sawi.

Chief minister chuan C Ngunlianchunga thubuai 'case' number te chhiar chhuak bawkin, tunah hian chargesheet peih a nih tawh thu leh prosecution sanction dil mek a nih thu a sawi. "Ka thawhpuite pawh hi ni se, thubuai an neih a prosecution sanction min rawn dil chuan ka pe dawn, tumah hum ka tum lo," tiin, "Tun hma lamin prosecution sanction dil inhum te a lo awm tawh thin a, kan tum ve lo kan sawrkar hian," a ti bawk. 

Hetihlai hian C Ngunlianchungan thubuai a neih a hriat loh thu a sawi thung a..., "Ka chung changah prosecution sanction pek a tul a nih pawhin chief minister-in lo pe rawh se, a tul chuan ka tang mai ang, he thubuai hi sawrkar hmasa-ah CBI ah pek an tum a, an pe leh ta lo a, CBI te kha lo kal se ka ti a, hlauhthawn tur ka nei lo e," tiin a sawi.