Aizawl September 15, 2022 : Chief Minister Zoramthanga chuan sawrkar laipuia Minister of Defence Rajnath Singh a hmu a, Cantonment board area-ah Mizoramin hmun a mamawh thu leh Bangladesh leh Myanmar ramri-ah Mizo telna paramilitary force dah a rawt bawk. 

New Delhi-ah vawiin khan Chief Minister hian Defence minister hi a hmu a, Cantonment board area-ah Mizoramin hmun a mamawh ve thu a thlen. CM hian Cantonment board area-a state te tan ram dil theihna hmun awmah hmalaksak turin a ngen a, Defence Minister pawhin a ngaihtuah tur te hnena thlen sak leh bawhzui sak a tum tur thu in a chhang a ni.

India leh Myanmar ramri chungchang an sawi dun bawk a. Chief Minister chuan Bangladesh leh Myanmar ramri pahnih ah Mizo telna paramilitary force dah tha a tih thu sawipuiin, Rajnath Singh chuan a tul anga la sawiho ni se tiin Home Minister te nen pawh sawiho tha a tih thu a sawi.

Chief Minister hi Amjad Tak, Resident Commissioner, Mizoram House in a tawiawm a ni.