Aizawl August 13, 2024 : Congress Thalai chuan tunhnaiah Adviser to Chief Minister Dr. KC Malsawmzauva'n Sawhthing lei chungchangah kuthnathawktute tharchhuah te chu a lei hunah sawrkarin Grade 'A' chauh lei a nih tur thu a sawi a. Chu chu ZPM Research Wing-in an zirchianna leh an ruahman dan a nih thu a sawi. CM-in Grade A leh B-a awm dawn lo tih a sawi leh si hi Mizoram mipui bum tumna a ni an ti.

MPYCC chuan, "Dr. KC Malsawmzauva thusawi avang hian Mizorama kuthnathawktute thuk takin an rilru a na a, ZPM sawrkar chu an intiam anga engmah hma la lo a, an in sawi loh ang zela an awm avangin an chungah rinna an nghat ngam tawh lo. Hetiang avang hian ZPM party mangang chuan ni 12.8.2024 (Thawhtanni) tlaiah ZPM General Headquarters-a General Secretaries te Chief Minister Lalduhoma chu a Office ah hmuin, sawhthing Grade A leh B siam tum chungchang sawi puiin Chief Minister hian Sawhthing lei leh hralh chungchangah Grade A leh B a awm loh tur thu a lo hrilh a. Hei pawh hi mipui bumna tura phuahchawp mai a nih tih hre turin Mizoram mipui kan ngen a ni," an ti.