ZALEN Feb 17, 2025; Feet 300 vel a sang, Mizorama Skywalk hmasa ber tur, Aizawl Peak, Hangi Lunglen tlang a mi chu CM Lalduhoma'n a hawng dawn.

ZALEN thudawn danin, Aizawl Peak Skywalk hawn programme hi February ni 18, 2025 (Thawhlehni) tlai dar 4-ah ṭan tur niin, CM Lalduhoma'n a hawng ang a, zaithiam tak tak ten hun an hmang bawk ang. Hemi zan dar 8 atangin mipui tana zawh theih a ni dawn a ni.

Tarlan tawh angin, he Skywalk hi mimal (Er. H Ginzalala, MLA) ta leh enkawl niin, a siam nan kum hnih chhung hman niin, a him tawk tih mithiam te pawm thlap a ni.

He Skywalk hi Aizawl Peak, Hangi Lunglen Tlang chhip a awm niin, feet 300 vel zel a sang a ni a, tlawh man hla tak a nih ngei a rinawm.