June 14, 2023; Chief minister relief fund (CMRF) atangin Manipur buaina chhuak kaihhnawih a NGO Co-Ordination Committee, Mizoram te hmalakna senso phuhrukna atan Rs. 2,62,718 pek chhuah a ni.

CM Zoramthanga'n a instagram account a a tarlan danin, June ni 13, 2023 khan Chief Minister's Relief Fund (CMRF) hmanna tura thuneitute pawmpuina leh remtihnain Rs. 2,62,718/- chu Manipura hnam chi hrang kara buaina chhuak kaihhnawiha NGO Co-Ordination Committee, Mizoram-te hmalakna pawimawh senso tul phuhruk nan pek chhuah a ni.

CMRF atana sum lut leh hmanna (receipt & expenditure) te hi fel fai tak leh langtlang taka vawn vek a ni a. March ni 27, 2020 atanga February 23, 2023 inkara CMRF atana sum lut leh a hmanna khaikhawmna chu hetiang hi a ni:

Sum lut zawng zawng - Rs. 31,38,45,636/-
Sum hman tawh zat - Rs. 30,84,07,755/-
Balance (As on 13.06.2023) - Rs. 54,37,881/-

CMRF hi Covid-19 do nan leh thil tul dang tam takah tangkai taka hman thin a ni.