ZALEN March 10, 2025; CM Lalduhoma'n chief minister special package atana sum dah zat chu Rs. Vbc. 20 a nih thu house a hrilh.

Vawiin assembly budget session zawhna leh chhanna hun-ah Tuirial bialtu MLA K Laldawngliana zawhna te chhanga he thu hi sawiin, CM special package ah beneficiary pakhat tan Rs. Nuai 1 aia tam lo ruahman a ni tih a sawi, a dil dan chu online a dil tur a nih thu leh a concern DC-ah te theh luh tur a nih thu a sawi.

CM in a tarlan danin CM special package hi tun thlengin mi 29,403 in an dil tawh tawh thu leh a dawng/hmu tur thlan fel a la nih loh thu a sawi.

Zawh belhna chhangin chief minister chuan adviser to CM leh minister ten motor pakhat leh a spare pakhat theuh an kawl tih sawia bawkin, "Pakhat han tih hian a spare a awm ve ngai a, a spare awm lo chuan tumahin an kawl ngai lo a ni," a ti bawk.