November 4, 2022; Chief minister Zoramthanga'n Assam a kuhva hring lut tur dan chu hawn vat a nih theihna tura hmala turin India president Droupadi Murmu hnenah ngenna a thlen.

Vawiin chawhma a India President in Chief minister Zoramthanga leh Council of Ministers te a kawmnaah, Mizoram leh Tripura atanga Assam a kuhva hring luttur dan a ni chu hawn vat a nih theihnana hma la turin CM Zoramthangan na takin India President a ngen a, kuthnathawktute mangangin lungawilohna lantir a hmalak zel an tum thu pawh a hrilh bawk. Chief minister chuan President chu ziaka ngenna (official letter) pe nghalin hmala nghal turin a ngen a ni.

India President Droupadi Murmu chuan CM leh ministers te hnenah kuhva chungchanga hma a lak ngei tur thu a sawi.

Hetihlai hian November ni 1, 2022 atanga Hachhek Bial Kuhva Chingtu Pawl (HBKCP) leh pawl hrang hrangin an kuhva thar te hralh a nih theihna tura hmala tura sawrkar karna atan an bial chhunga sawrkar hnathawk pisa kai turte an la dang chhunzawm zel a, hei hian awmzia a neih loh chuan naktuk November ni 5-8 chhung an bial chhunga kawngpui zawng zawng dan an tum. Chu chuan awmzia a la nei lo zel a nih chuan November ni 9, 2022 atangin total bandh kalpui an tum bawk.