CM Zoramthanga leh Chhattisgarh MLA inkawm

Admin - Oct 10, 2021

Art & Culture department hotute nen an inkawm leh dawn

Aizawl: Nimin khan Chief Minister Zoramthanga chu a pisa ah Chhattisgarh MLA pahnih, Lakheswar Bhagel leh Prakash Nayak bakah anmahni rawn zuitu official te nen an inkawm.

Chief Minister leh Chhattisgarh MLA te chuan an state ve ve chungchang te leh culture chungchangte an sawiho a. Chhattisgarh chuan October thla tawp hian National Tribal Dance Festival buatsaih leh an tum thu Chief Minister hi hrilh bawkin, he kut ah hian state hrang hrang atangin leh ram pawn atang te a participant an beisei thu an hrilh.

Chhattisgarh MLA te hi zan hnih riak turin nimin khan Aizawl an lo thleng a, naktuk hian Art & Culture department hotute nen an inkawm leh dawn a ni.

Share now