Aizawl: COVID-19 hri leng dona atana CM Relief Fund-a sum lut chu Rs. vbc 21.29 a tling tawh a. Committee on Utilization of CM Relief Fund for COVID-19-in ruahmanna an siam thin anga hman tawh zat chu a vaiin Rs. 19,34,48,588 a ni.

COVID-19 dona atana hman tangkai turin Zirtawpni khan Chief Minister’s Relief Fund for COVID-19-ah NIT Mizoramin Rs. 1,82,914 leh Rem Rem Enterprise Lawngtlaiin Rs. 50,000 an pe a. Prof. F. Lalnunmawia, Aizawl South III bialtu MLA chuan COVID-19 dona atan Chief Minister’s Relief Fund-ah thla li (May - August) chhunga a thla bi hlawhpui (Basic Pay) atanga 30%, Rs. 1,94,760 a chhunglut bawk a ni.