Aizawl July 27, 2024 : Vawiin khan Keini Chin National Front (CNF) leh Zomi Re Unification Organisation (ZRO) te chuan ZORO te hmalaknain Adviser to Chief Minister Lalmuanpuia Punte Office-ah inbiakna an nei a, a hnuaia mi ang hian inremna an ziak.

Keini Chin National Front (CNF) leh Zomi Re Unification Organisation (ZRO) te'n ni 27, July 2024-a Zo Re-Unification Organisation (ZORO) huaihawta inkawm khawmna neite hian uluk taka kan sawi ho hnuah, a hnuaia tarlante hi thinlung takin kan pawm a ni.

1. Keini Zofate (Chin-Kuki-Zomi/Mizo) hi thlahtu thu hmun tawng khat hmang (same language different dialect). Nunphung thuhmun, serh leh sang inkhawih pawlh, beiseina thuhmun vuan a, 'dam leh dam khatah, thih leh ruam khatah,' ti thin unau kan ni.

2. Kan ram leh hnam tana hma kan lakna kawngah kan thahnem ngaih luat avanga unau kan inhau thiam lo hi pawi kan ti a, tun hnuah thleng tawh lo se kan duh.

3. Inremna tluantling a awm theih nan a țul dan azira inbiakna neih leh nise kan ti.

He inremna ang hian a hnuaia mi te hian hming an ziah hnan a ni.

R. Sangkawia, President, ZORO

L. Ramdinliana Renthlei, General Secretary, ZORO

KC Smack, Team Leader, ZRO

Thang Ning Kee, Team Leader, CNF