June 28, 2023; Mizoram Youth Commission (MYC) in, Mizo thalaiten saptawng bel leh nal zawk a an hman theihna atana an rawih, Susan R. Chanfin (Rose-i) chu coaching class kal ten an chhawr tangkai chho mek.

Vawiin a thuthar thehdarhtute a kawmna ah MYC chairman Dr. Vanlaltanpuia sawi danin, Rose-i hi Thawhtanni, Nilaini leh Zirtawpni ah te rawn/interaction neihpui theih a ni a, tun dinhmunah mipui nawlpuiin la chhawr tangkai tam lo mah se, MYC hnuaia coaching class kal mek te erawhin tangkai takin an chhawr chho mek.

North Carolina nula, Rose-i tia hriat hi Tuipui D a Mizo palsa nei niin, a pasal fanaute nen tunah hian Bungkawn Vengthar ah an khawsa mek a ni.

Thuthar lakhawmtute a lo kawm tawhna ah Dr. Vanlaltanpuia chuan, Mizo thalai ten rampawn a hna an thawhna turah International English Language Testing System (IELTS) leh Occupational Englist Test (OET) an paltlang a ngaih thu a lo sawi tawh a, chung te chu awlsam zawka an paltlang theihna atan hmalak a nih thu te, sap pachal an titipui theih dan tur ngaihtuah a nih thute a lo sawi tawh.