ZALEN July 2, 2025 : Vawiin tlai khan MSU hruaitute chuan MPSC Secretary chu a Pisaah hmuin, December 17, 2024-a Combined Competitive Exam result la tihchhuah kim loh leh Assistant Professor hna lak tur Advertisement la tihchhuah loh chungchang an zawtfiah a ni. 

MSU hruaitute chuan MPSC Secretary hnenah hian nikum December 17, 2024 Combined Competitive result vawiin thlenga la tihchhuah loh chungchang an zawtfiah a. Secretary chuan exam an thathnem deuh vang leh OMR Sheet thenkhat ah technical error a awm vangin, uluk taka an ennawn leh a ngai a, hemi avanga tlai an nih thu a sawi a. Tunkar-ah in peihfel hmanloh pawn, kar thar tirah chuan result hi tihchhuah hman ngei an tum thu MSU hruaitute hi a lo chhang a. Exam beitute MSU chuan hemi hun lo ngaichang turin an chah a ni. 

MSU hian an hmalakna kal mek nena inhnaih tak Assistant Professor post 30 ruak, DP&AR-in MPSC kuta a pek tawh Advertisement la tihchhuah loh chungchang pawh an zawtfiah nghal a. MPSC Secretary chuan a rang thei ang bera an buaipui mek thu leh, July ni 3, 2025 (Nilaini) hian advertisement tihchhuah nghal an tum a lo hrilh a ni.