ZALEN Feb 13, 2025; Mizoram State Aids Control Society (MSACS), AIDS Healthcare Foundation India Cares leh Samaritan Society of Mizoram-te hmalaknain vawiin (13.2.25) khan Aizawl a Millenium Centre chung zawlah International Condom Day 2025 hman a ni. 

He hun hi Mizoram State Aids Control Society Project Director Dr. Jane Rinsangi Ralte chuan hawngin hemi atana beihpui thlakna Generation C Campaign-in a tum ber chu thalaite zinga mipat hmeichhiatna atanga natna inkaichhawn theih hrang hrang leh HIV darh zel tur venhimna a nih thu leh condom hman tangkaina leh pawimawhzia zirtirna mai nilo in, nupui/pasal nei hmaa mipat hmeichhiatna hman loh zirtirna uar taka kalpui a nih thu te, HIV leh mipat hmeichhiatna hman atanga natna inkaichhawn theih hrang hrang laka mi tinte an fihlim nan Condom hman ziah pawimawhna leh tulna kalpui a ni dawn bawk tur thu a sawi.

Hemi kawng beihpui thlakna Love Brigade Campaign hi kum 2020 atanga kalpui tawh niin, tun ṭum a thawhhnihna ah hian Two Wheelers Taxi Association te nen tangkawpin Two Wheelers Taxi Driver engemawzat hnenah Condom jacket sem a ni a. Heng bakah hian Love Brigade Campaign thawh hnihna ah hian Aizawl a Auto Drivers Association te hnenah HIV chungchang zirtirna hmanruaw dahna tur seat cover sem a ni dawn bawk a ni.

International Condom Day hi kum 2009 atang khan February ni 13 ah hman thin a ni.