ZALEN July 20, 2023 : Congress chuan thuchhuah siamin ZPM Leader Lalduhoma'n Ni 19.07.2023 (Nilaini)-a Aizawl Press Club-ah ZPM Candidate tur Congress in cheng nuai 100 in an thlem nia a sawi chu Guwahati a zin chungchanga a dawt sawi Mizoram mipui te rilru lak pen leh phat mar tuma tal buaiin dawt dang a sawi lehna mai a ni," an ti.

Congress chuan, "Pu Lalduhoma hi thil chiang fak hre lo a nih thin avangin Assembly House ngeiah pawh a dawt sawi vanga ngaihdam dil ngai hial kha a a ni a. Pu Lalduhoma hian cheng nuai 100 chungchang a hriat pawh hi Assembly Speaker Pu Lalrinliana USA zinin MNF sawrkara cheng nuai 100 chungchang ziah bo awm a sawi a hriat pawlh leh tawh em ni, tih hi kan zawhna a ni," an ti. 

Lalduhoma chu pa ber ni tlak a ni lo tiiin Congress chuan, "ZALEN chanchinbu in July 18, 2023 (Thawhlehni)-a BJP Minority Morcha National Secretary Delson Notlia a kawmnaah, BJP Minority Morcha National Secretary Delson Notlia chuan Airport-ah Lalduhoma chu a hmu ngei tih ZALEN a hrilh a, ZPM leader hi hmaichhana tum khat an inbiak tawh bak inbiakna an la neih loh thu a sawi a. ZPM Leader Pu Lalduhoma erawh chuan ZPM chhung inkhawmah Delson hi vawi khatmah a la hmuh loh thu a sawi a, WhatsApp-ah erawh an inbiak thu a sawi thung. Delson erawhin ZPM leader hi hmaichhana tum khat an inbiak tawh thu a sawi ve thung a ni. ZPM Chhungkaw pa berin chhung inkhawmah Mizoram mipui te mai ni lo, ama party pui te hmaah ngei pawh dawt a sawi duh zel hian chhungkaw Pa ber atana mi rintlak a nih lohzia Pu Lalduhoma hian a intifiah chiang hle a ni," an ti. 

MNF sawrkar chu NDA leh NEDA a an thawhpui BJP hian sawrkar leh tura an rin loh avangin an sum leh pai tha chakna hmanga Congress party do thei tur Tualto Party dang an zawng tih hi Mizoram mipui rindan a ni, an ti. "He hun remchang hi lo lak tumin ZPM chhunga mi thenkhat ten Kristiante nekcheptu BJP a ruka an dawr chungchangah ZPM chhungkuaah nasa taka inpuhmawhna a awm hial a ni," an ti.