January 30, 2024; Congress thalai (MPYCC) chuan thuchhuah siamin, ZPM sawrkarin thla thum pawh an la sawrkar hma hauha Treasury khar (Stop Payment) a ngai ta mai chu pawi an tiin lungchhiat thlak an ti takzet tih an tarlang.

An thuchhuah a an tarlan danin, Mizoram sum harsat zia leh inrenchem ngaih zia hre reng chunga duhsak zawngte vulh nan leh lungawilo thlem nan chief minister adviser hautak lutuk ruat teuh teuh te hian inrenchemna kalpui an tum loh zia a tichiang a, an sum renchem loh phuhruk nan mipui harsatna chhawk zangkhai aia phur ti rit tura tui bill tihsan tuma hma an la zui chu Mizoram mipui zah lohna leh pawisak lohna a nih thu te, enchhin tura inzawrh chu mipui bum tumna mai a ni, an ti.

"Mizoram sum dinhmun hre chunga ruahmanna siama hmala turin congress thalai chuan Mizoram sorkar a ngen a ni," tiin an tarlang bawk.