Aizawl September 6, 2022 ; ZPM Thalai chuan Congress sawrkâr laia Ministry of Doner atanga pawisa lokal, sawrkâr hnathawkte hnena computer training pêkna turah hming lema mi 1,300 zet training tir anga thil tih chu hmuhchhuah a ni, an ti a, training-na senso hi cheng nuai 113.92 zet a chingpen a ni, tiin, Lokayuta chuan hemi chhui tur hian ACB a ruat niin an thuchhuah siamah an tarlang.

ZPM Thalai chuan hemi chhui tur leh action la ngei turin April 5, 2022 khan Lokatukta-ah F.I.R  kan lo thehlût tawh, an ti a, Congress sawrkâr hnuaia eirukna lian tham takah hian a mawhlatute an insawifiah zawh lo, nia sawiin, a chhui hna thawk turin Lokayukta chuan ni 17.8.2022 khan ACB a ruat a ni, an ti.

"Congress rorel laia sawrkâr hnathawk hming lem mi 1,300 zet hmanga cheng nuai 113.92 eirukna hian Congress party chu ruling an nih laia sulhnu pawr tak neia sapatàl thin, opposition-a an awm apianga piangthar dera mipuite hnena ngaihdam dîl leh chiam thin an nih zia a pholang chiang hle a ni," ZPM Thalai chuan an ti bawk.