Aizawl: Conservation Mizoram chuan chuan Mizorama nungcha te tihlum an awm thin chu pawi an tiin an dem tak zet tih an sawi.

Nimina thuchhuah an siamah Conservation Mizoram chuan kan ram leh a chhehvel ram hi Indo-Myanmar Biodiversity Hotspot huam chhunga awm niin, nungcha leh ramhmulah a hausa tak zet tih an sawi a. 'Heng kan ram rohlute hi nawmchenna atana tihlum thin leh nghaisa thin kan la awm hi Conservation Mizoram chuan pawi a tiin a dem tak zet a ni' an ti. Mizoram chu nungcha hlu tak tak leh ramhmul hlu tak takte awm tamna hmun a ni a, khawvel huap pawha hmun hlu tak a ni tih hre nawn leh theuh chungin dimdawi taka enkawl turin mitin an ngen a. Khawvela thilsiam tinrengte hi inpeng tawn leh inmamawh tawn vek kan ni tih hre thar leh chunga thilsiam dangte laka zahngaihna lantir theuh turin Mizo mipuite an sawm bawk.

Conservation Mizoram chuan chuan tunhnaiah social media hrang hrang ah nungchate chunga hleilenna leh nungchate rawng tak taka kutthlakna thlalak leh video hmuh tur a awm ta fo nia sawiin Conservation Mizoram chuan tha a ti lo tak zet tih an sawi aa. Nungchate chunga nunrawnna chi hrang hrang leh nungchate tihhlum thinte hi sim turin mitinte an ngen a, hetiang ti lai thlalak leh video thehdarh thinte hian mi tam tak rilru a hruaisual theih avangin mitinte fimkhur lehzual turin an ngen nghal bawk a ni.