Aizawl December 29, 2022: Mizorama COVID-19 dinhmun leh December ni 27-a district hrang hranga Mock Drill neih report te bawhzuia thlirho a nih hnuah tun dinhmunah chuan chiai leh nunphung pangngai pela kal a tulna a la awm rih lovah vawiina Chief Secretary hova meeting chuan an ngai.

COVID-19 hrik chhuakthar chungchanga inbuatsaihna kal zelah vawiin khan Mizoram Chief Secretary Renu Sharma hovin Health & Family Department a hotute nen thlirhona neih a ni a, Khawvel hmun hrang hrang Covid hrik thar BF.7 in a run thar mek laiin India ram dinhmun chu a la ziaawm hle a; Mizoramah pawh he virus thar hi la lut lovin December ni 13 atang khan vawiin thlengin Mizoramah COVID-19 kai thar hmuhchhuah an awm lo a ni.

India ramah COVID hrik thar BF.7 hi a luh tawh avang leh a lenna ram atanga khualzinten khawi state pawh tlawh pawh theih reng a nih avangin COVID -19 laka invenna hrang hrang mask vuah, midang hnaih loh leh kut tihfai ngun erawh tha taka kalpui zel a tul an ti.