ZALEN May 30, 2025 : Integrated Disease Surveillance Programme (IDSP), National Health Mission, Health & Family Welfare Department, Mizoram chuan vawiin khan thuchhuah an siam a, tûn hnaia India ram hmun thenkhata Covid-19 Variant JN.1, XFG leh LF.7.9 positive case hmuhchhuah a nih leh chungchângah mipuite lo chi-ai lo tûrin an ngen. Covid 19 positive hmuh chhuah thar te an ngaihtuah awm lo an ti.

IDSP chuan tûn dinhmunah Covid-19 hri kaite hi na lutuk an awm loh avângin, in lamah enkawl an ni tlângpui. Covid-19 hrilêng chhui hna hi Integrated Disease Surveillance Programme (IDSP) leh Indian Council of Medical Research (ICMR) kaltlangin National Surveillance System chuan chhum lo chat lovin a la kalpui reng an ti.

Tûnah hian Mizoramah Covid-19 hri kâi thar hi mi 2 (pahnih) hmuhchhuah an ni a, Zoram Medical College & Hospital, Falkâwn-ah enkawl mêk an ni a, ngaihtuahawm an ni lo, an ti.

Hemi te pahnih hmaa Mizoramin Covid-19 positive a neih hnuhnun ber chu October 2024 kha a ni a, kum kal ta 2024 chhûnga Mizoramin Covid-19 cases a neih zawng zawng chu mi 73 an ni a, nunna chân an awm lo am ti bawk.