The Economic Times-in a tarlan danin chanchinbu atangin Covid-19 kai case chhinchhiah hi khawvelah pakhat mah a la awm lo. Internet-ah pawh theih anga anga zawn pawhin newspaper atanga inkaichhawng hi hmuh tur a awm mai lo.

UK-a John Innes Centre zirbingnain a tar lan dan chuan chanchinbu hi lehkhapuan (paper)-ah pawh a chhe ber ‘newsprint’-a chhut (print) a nih avang hian a pan/awng (porous) avangin a hrik hi a nung thei hlei thei lo. (Hindustan Times)

UK-a John Innes Centre-in a tar lan danin chanchinbu chhut (web printing process) hian chemical chak tak tak eng- emaw zaha sawngbawl nan hman a ni a, chanchinbu chhut chhuah hrim hrim hi a thianghlim a ni. (27 Aug, 2020, Edinburg Evening News & The Economic Times.)

Chanchinbu atanga Covid-19 inkaichhawn hi WHO chuan risk hi ‘very low’ a ti bawk tih The Hindu chuan a tar lang bawk a ni.

Heti chung hian keini Zalen lamah chuan May thla atang tawh khan night shift (paper khawihtute) hi kan uluk hle a. Fimkhur thei lo nia kan hriat chu kan chawlh lailawktir hrih hial a. Tuna thawkte pawh mask leh glove pek an ni a, print chhung chu sanitizer spray chi kan hmang bawk.

A semtute ‘hygiene’ a pawimawh a, sem laia mask vuah tur te, sanitizer/kut sil hmang uar tur leh inchhung lut loa dah mai turin circular thawnin kan inzirtir a, a man khawn pawhin pawna dawng tur leh a tul anga khawn khât turin kan ti ta hial a ni.

In himna kan tan a
pawimawh
Zalen,
Managment Team