Aizawl: July ni 10, 2020 khan ZMC Lab ah sample 295 test a ni a, a vaiin a negative vek a, tun dinhmunah Mizoramah covid-19 vei mek mi 83, dam chhuak mi 143, case neih tawh zawng zawng 226 an ni. Zirtawpni a sample test te hi Aizawl Dist 174, Kolasib dist. 61, Lawngtlai dist. 1, Mamit dist. 13, Saitual dist. 23, Assam 8, ZMC 15 an ni. Aizawl a sample test zing-ah hian BSF Falkland 52, BSF Durtlang 4 leh BSF Lengte 10 an tel a. Mamit ah hian Lungverh 5th IR (Mizo) 5 an tel bawk.

Zirtawpni vek khan Lunglei Civil Hospital Truenat Lab ah swab sample 29 test a ni a, a vaiin a negative vek a, sample test hi BSF sipai 3 bakah positive contact mi 26 an ni. June ni 30, 2020 a PC Pharmacy Lungleia inentirte bakah Lunglei, Haulawng, Hnahthial, Tawipui South, Rahsi veng, Vanhne, Bethel Centre, Sazaikawn leh BSF Camp Vanhne a quarantine lo tlawhpawhtute telin an sample a negative vek. BSF leh PC Pharmacy Lunglei a primary contact tracing test result hriat tawh chin chu ala negative vek rih a ni.