Aizawl: Health & Family Welfare Board vice chairman Dr. ZR Thiamsanga chuan South Korea siam rapid test kit 10,000 vel lei turin ruahmanna an siam mek niin Zalen a hrilh.

Dr. ZR Thiamsanga chuan South Korea siam rapid test kit chu a rintlak tawka an ngaih thu sawiin a aia tlawm China siam chu an ring zo lo niin a sawi a. Rapid test kit a test chu tih zung zung a pawimawh tih sawiin he test hmanga positive te chu Laboratory (Real Time PCR) lamah an test leh dawn tih sawiin a tlangpuiin rapid test a positive te chu a khawl pangngai ah pawh a dik thin avangin test neih tam a pawimawh niin a sawi.

Mizoram chuan hun reilote chhungin Covid-19 test na khawl a nei thei chu thil lawmawm tak a ni tih a sawi a. TB test na khawl chu 80% hna thawh zawh a nih tawh avangin a bak chu harsa vak lovin an thawk thei niin a sawi bawk.